الشاعر عبدالله الفريجي | Telegram Webview: abdullaalfregy/1161 -

بالمعرفة والهمة
إنخَط طريق الخدمة
ابلا معرفة الحُب خلة
بالمعرفة الحب فهمه
.
ومن صادق آل الزهرة
اتاشر جواز العبرة
ورخصها جفني دموعي
لجرح الحسين وكسره
.
الحسين المنكسر گلبه
انكسر گلبي ونعيته
دمع عيني جريته
متحسر بجيته
.
منّه انسلبت الراحة
وهجر ديرة عمامه
لدرب ما بيه سلامه
بصحاري حط خيامه
.
متهجر المخلوقة الخليقه
لامه ولابوه ولجده وعضيده
ابن الدعي والما يعرف الله
راد الامام يحط ايده بيده
الَمّن تظل بجفني دمعتي
وهذا الجره وي ابن الصميده
.
ليسَ مِن عينٍ أحبْ .. وَ أقرَبَ لله
من عيونٍ قد بَكَتْ .. رزءَ حُسينَاه
…………………………………

سنوها آل الخالق
والما تبعهم زاهق
ولكربلاء من ابجي
تابع امامي الصادق
.
البصري الاجاه بسفره
سولفله حرگة صدره
گله الامام الصادق
هنيالك اعلى الحسرة
.
تذكر ليل عاشوراء
ولم شمل العشيرة
اميرة بصف اميرة
بالخيام الجبيرة
.
بس حسين متحسر
وخفى حزنه بكلامه
يحچي ببتسامة
اويه اطفاله بخيامه
.
اويه اطفاله يتبسم من يسولف
وبگلبه نار اعلى اطفاله باجر
تضحك رقية وتفز دمعته
ويخفيها ويظل گلبه يكابر
وزينب تشوفه وتفهم نظرته
ويهل دمعها مكسوره خاطر
.
وما بَكى أحدٌ لنا ... و لِما لقيناهْ
يرحَمْهُ ربّي قبلَ أنْ.. تَسْكُبَ عيناه
………………………………
جمرة بگلب كل خادم
تابع درب بني هاشم
يباريها مثل اعيونه
ويطلب مدد من فاطم
.
ومن طيرة البوم افهم
حزن العبد واتعلم
سكنت خرابة وناحت
عالماله اخو ولا ابن عم
.
تخلص الليل بس تبجي
على الجرحو سكوته
الغريب الراح صوته
ينعى لفگد اخوته
.
ظل يم الخيم وحده
محتار ابناته
وتصدله مدللاته
الترب لون عباته
.
ما تحلى دنيا بيها ابو الاكبر
متغرب وما يملكله ناصر
اتبع اثر بس ناعي المصيبة
وبس للحسين اظهرها المشاعر
مرهونه روحي بدمعة عيوني
للظل وحيد وبعياله حاير
.
يا أبا بصير أتحُبْ... أن تُسعِدَ الزهراء
ابكِ علىٰ مَن بقىٰ.... خَضِيبَ في البيداء
……………………………
اسمه بحزن ترتيله
بيه يكتفي الينعيله
حسين ودخيل جروحه
حتى الحجر يبچيله
.
يبچي الحجر لعيونه
المغير اظماه لونه
اليروي الفرس بجفوفه
ما قبلوو يروونه
.
جماد ودم جرى دموعه
وصرخ گلبه حسافة
من الماي شافه
رفض يوصل اشفافه
.
واوحوش الفلا ناحت
على روحه الحنينة
ورثت دخان عينه
البين سمه وبينه
.
نهر الفرات يروي العطاشى
لكل البساتين يكفي مايه
ما مره سامع ما روه ظامي
وما سامع بجنبه تهوى راية
ليش نحرم منه ابن الزجيه
ويم جرفه طيح جود السقاية
.
ما مِن عَبدٍ يرتوي... ويَذكرُ العَطشان
يكونُ مَغفورًا لهُ.... في مأمنِ الرحمٰن
.....................
اغله واعز ايامي
من صوبه تمشي اجدامي
يفرحني ويرجعني
محققها كل احلامي
.
بعد الفرح دمعي يهل
وجرح السلب حزنه يحل
الهسه تفييه گبة
بالهيمة ما فوگاه ظل
.
بعد ذاك التعب كله
اجه وكت الظهيرة
بلحضاته الاخيرة
طاح الكله غيره
.
الامام السيد العابد
ما راعو حرمته
ولا احد خاف بخته
انسلب وامسى بغربته
.
يالي تزوره اذَكر مصابه
اذكر غربته وسلبة ثيابه
بالحائر اذكر من خيل اجته
وحسرة دليلة وضيمه وعذابه
واذكر رقية بالليل اجتنه
بيديها ماي وتصرخ يبابا
.
من زارَ جديَ الحُسين .. بِحقِّهِ عارفـا
كانَ كمَن زار الإله ...في عرشِهِ واقفا

www.tg-me.com/us/الشاعر عبدالله الفريجي/com.abdullaalfregy/1161

468 viewsApr 27 at 08:05

tg-me.com/abdullaalfregy/1161

Create: 2024-04-27
Last Update: 2024-05-27 17:42:57

BY الشاعر عبدالله الفريجي

Warning: Undefined variable $i in /var/www/tg-me/post.php on line 280

Share with your friend now:
tg-me.com/abdullaalfregy/1161

Open in Telegram

الشاعر عبدالله الفريجي Telegram | DID YOU KNOW?

Date: 2024-05-27| الشاعر عبدالله الفريجي

China’s stock markets are some of the largest in the world, with total market capitalization reaching RMB 79 trillion (US$12.2 trillion) in 2020. China’s stock markets are seen as a crucial tool for driving economic growth, in particular for financing the country’s rapidly growing high-tech sectors.Although traditionally closed off to overseas investors, China’s financial markets have gradually been loosening restrictions over the past couple of decades. At the same time, reforms have sought to make it easier for Chinese companies to list on onshore stock exchanges, and new programs have been launched in attempts to lure some of China’s most coveted overseas-listed companies back to the country.

That growth environment will include rising inflation and interest rates. Those upward shifts naturally accompany healthy growth periods as the demand for resources, products and services rise. Importantly, the Federal Reserve has laid out the rationale for not interfering with that natural growth transition.It's not exactly a fad, but there is a widespread willingness to pay up for a growth story. Classic fundamental analysis takes a back seat. Even negative earnings are ignored. In fact, positive earnings seem to be a limiting measure, producing the question, "Is that all you've got?" The preference is a vision of untold riches when the exciting story plays out as expected.

الشاعر عبدالله الفريجي from us

Telegram الشاعر عبدالله الفريجي
FROM USA