tg-me.com/pigfg/16400
Create:
Last Update:
Last Update:
لأمي... ولكل الأمهات الراحلات
•••••••••••••••••••••••••••••••••••••
خطار الحزن مافارگ البيت
وهلال الفرح ويه امي مدفون
چنهه امسافره ونتنطّر اتعود
يربي الموته هم بيهم يعودون ؟
لو منهه وبعد ماينفتح باب
والراحو بعد هيهات يلفون
امي التشجر التنور بالآه..
وأمي اعله المصيبه اتلولي وتهون
مانوّخ ظعنهه العسر الايام
ولاشبعت بطنهه وي اليشبعون
بس ضاگت مرار العوز لچمات
تفوّر الجدر خالي ابدمع العيون
تضحك من تلچهه اجروح دنياي
اوتحاذر ماتگول الليش وشلون
عجز بتهوفن ابلحن الدللّول
لوحه العجّزت بيكاسو باللون
أمي الكل شبابي اسنينهه اشموع
أمي الجنه ..وامي الدنيه والكون
ياچف الصبر بچفوفهه اندار
ياطور النواعي البيه يغنون
.............
..............
كاظم العطشان💜
BY الشاعر كاظم العطشان
Warning: Undefined variable $i in /var/www/tg-me/post.php on line 280
Share with your friend now:
tg-me.com/pigfg/16400