قصيده الحسين ع حصريه ((#لاتكطع ركبته))
#الشاعره رسل الابراهيمي


لاتگطع رگبته حسين عطشان
خل يشرب اميه گلبه خلصان
@@@@@@@@@@
لاتكطع رگبته والعطش بيه
الله يخلي كلمن ماي يسگيه
حر الشمس و الرمله يچويه

يابس ريج اخوي وماله عرفان
لاتگطع رگبته حسين عطشان
@@@@@@@@@
خل يشرب اميه وخله يرتاح
خل يهيد ونه ارجع يذباح
صوت من المخيم عالي النياح

جسم الوالي من كل صوب تعبان
لاتكطع رگبته وهوه عطشان
@@@@@@@@@@
الف وتسعميه جرح مجروح
غرگ كربله بالدمه المسفوح
موبس جسم اخوي معذبه الروح

متعذب علينه ودمعه سيلان
لاتكطع رگبته وهوه عطشان
@@@@@@@@@@
الله يعين زينب عله الونات
موش امكسره ظلوعه طيحنات
وخواتك علهظم كلش رجيجات

ماشافن هظم وياهن خوان
لاتكطع رگبته وهوه عطشان
@@@@@@@@@
الماشافن هظم هليوم شافنه
عزيز گلوبهن كاعد يجر ونه
ماي دموعهن جابن وشربنه

مگطوع النهر عنهن النسوان
لا تگطع ركبته وهوه عطشان

الشاعره رسل الابراهيمي

https://www.tg-me.com/القلم الحسيني/com.amAli30

لطميه بطور  الشور عهد لزهراء ع

عهد ويه الزجيه    فلا ننسه السبيه
نضل نصيح زينب   لمن تدنه المنيه
................................

مايبطل حزنه   نضل نصيح زينب
يابت الزجية    كلبنه  بنار   يلهب
نون ونبجي عليج  يالخدرج تسلب
تسيل دموع لومر    ذكر الغاضريه
............................

الله يعين كلبج    يالشفتي العجايب
بيج انضربت امثال  اه يم المصايب
على الناكه وتونين   والدلال   ذايب
نذكرج يوم رحتي   واخوانج رميه
......................................

دوم نعاهدج دوم واحنه عد عهدنه
وشما مرت سنين   مايبطل حزنه
دنيا واخره بيج     يازينب املنه
خدامج نوافيج   والدمعه جريه
.......................................

خدامج يزهره   ماننسه مصابج
كلنه اليوم اجيناج  نتذكر عذابج 
ضلعج مانسينا   والبسمار صابج
حزنانه وتحشمين  عازو الهاشميه
..................................

ننسه شلون ننسه  حسين المات ضامي
بكل مجلس يزهره   نصرخ يا امامي
صورة كربلا دوم   البيهه حسين دامي
الشيعه تعاهدج دوم    ماتنسه الرزيه

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المأسي الفاطميه
https://www.tg-me.com/القلم الحسيني/com.amAli30

محله العمر يكضي بالمجالس
ونشك هدومه ونصير عابس
وندرس شكو حب بعيون الحسين
المجالس تنحسب هم مدارس

ونقره كلب الحسين       يعلمنه العشك زين
نقره وتدمع العين          كلنه بحبه ميتين

جا هو الحيات  ...  والحب الازلي
جا هو الممات   ...   وبكبري يضوي الي 

      عشكي عشكي        ياحسين الازلي
          ....................................
محله الخادم اليعرك جبينه
يون وينحب يخلص سنينه
ينجن كون بالمجلس على حسين
مثل حمدان كون يطفي عينه

كون يصير حمدان            يبجي ودوم حزنان
يشك هدومه عريان          ويلطم وين ماجان

جا هو الي مات ... هنياله يم علي
جاهو الحيات   ... والحب الازلي
          
       عشكي عشكي       ياحسين الازلي
             ...................................
الخادم كون من يقره الزياره
كلبه يحترك وزيد ناره
يفيض امن الدمع ويتعب الروح
ويلطم صدره حيل بكل حراره

يلطم صدره وينوح       كون يطلع الروح
دم يفيض مجروح       على الي مات مذبوح

راسه على الرماح    ...    راسه يسوه هلي
جا هو الحيات     ...      والحب الازلي 
   
      عشكي  عشكي        ياحسين الازلي
         ......................................
الخادم كون مايغفله ليله
سوالف عشك عنده وي خليله
يعبر عن هيامه وشوكه كلبه
يحجي ضيم كلبه ويشتكيله


الخادم حيل محروك       كلبه على المعشوك
يموت بحبه بالشوك         كلشي بيه مخنوك

ينبض كلبه شوك    ...    حبه حب عسلي
جا هو الحيات      ...   والحب الازلي 

      عشكي عشكي     ياحسين الازلي
        ................................
خادم زينب
علي الحاتمي
#مؤسسة الفاطمي


https://www.tg-me.com/القلم الحسيني/com.amAli30

لطمية فزاعية علي الأكبر علية السلام
====================
اويلاة يومك مرد دلالي
===
وسفة يا الاكبر غمضت
ولاكلت امي ادوهنت
وعليك يمة تلوعت
تدري الربة شكد غالي
هوسة ورباط
يصبي عينها وسفة يذبحونة
===
صاحت لبو اليمة وبجت
وتكلة غيرة شحصلت
من اطلع ابني ائيست
يومك مغير احوالي
هوسة ورباط
تنعى على الولد وتكول خلاني
====
ياعلي يبني ماترد
ماينفع اعتابي بعد
كلبي تعور والجبد
للكبر ردتك والي
هوسة ورباط
جوة الحوافر ضايعات ارسومة
===
اعليك جبدي معورة
وروحي يبمة مرمرة
امشي بيسر ومحيرة
والدمع مني هالي
هوسة ورباط
وانت على الغبرة امك ماشية
===
للشام حادينة سرة
وكلبي يبعد امك درة
عكبك اروح ميسرة
من السوط دمعي هالي
هوسة ورباط
والحزن عاميني كلبي تلوع
===
تمت بحمد الله تعالى بقلمي شاعرة وخادمة أهل البيت عليهم السلام ملا زينب الطويرجاوي ١٠ ٥ ٢٤ ٠ ٢ 
https://www.tg-me.com/القلم الحسيني/com.amAli30

لطمية مربعة الى الأمام الحسين علية السلام
===================
حسينا واحسينا واغريباة
===
تون زينب ونتها خفية
على افراكك يخوية اشلون بية
تكلفني بحرم وامشي سبية
اون والونة تفجع كلبي ب احا
حسينا واحسينا واغريباة
===
الك ونة يخوية وماتهود
وعليك النوح يايوم التعود
واشوفك خوية وكليبي يعود
شمحلة طبتة ومحلة حجاياة
حسينا واحسينا واغريباة
===
حنين ابن امي ومصابة جواني
ونن كل وكت راح وجفاني
اتاني وشابحة عيوني دعاني
اصيح بصوت من فركاة ويلاة
حسينا واحسينا واغريباة
===
اليالي اخلافة مابيهن محنة
اجر حسرات للشايل حملنة
صحت يحسين يا تالي اهلنة
حنين وكل وكت دلالي ينعاة
حسينا واحسينا واغريباة
===
مشيت ونتي عصرت دليلي
على النوك وتحن روحي ودليلي
اون على اخوتي وحسرة بدليلي
بعد يايوم وكتي يعود ملكاة
حسينا واحسينا واغريباة
===
جبير وبلمحنة ماكو مثلة
ويطيبة حسين ابد ماكومثلة
أريد اشتم ضريحة واشم عطرة
واعاتب والعتب كلة فركاة
حسينا واحسينا واغريباة
===
رحت للشام متحيرة وغريبة
وتشاهد صدت الشامت مصيبة
المثل عباس اخيي منين اجيبة
أريد يشوف حال اختة بلاياة
حسينا واحسينا واغريباة
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ١٩ ١ ٢٤ ٠ ٢    https://www.tg-me.com/القلم الحسيني/com.amAli30

فارگتني    خويه و افراگك صعب
ألمتني      متوني خويه من الضرب
خويه طگني و ما شگفت اصوابه
اثنين اديه اتحافظ العصابه
يابوفاضل       يابوفاضل
=========================

اطلعت مهيوبه ابلواك  نجمه محفوظه ابسماك
عينك تصد عليّه على طول الدرب
مرّت النسمه ابهواي  و شفت سيفك يا ضواي
يذبح النسمه مرّت و فرح بيك الگلب

لحظه دهري ابكربله ذبني و رماني
ودّعتني للنهر والهم ولاني

ودّعتني      و اني ظليت بألم
ودعتني      گبر صارت لي الخيم
حگه گلبي لو يزيد اعتابه
اثنين اديه اتحافظ العصابه
يابوفاضل.      يابوفاضل
=========================

جيت الك يم النهر      شفت منك چم گمر
اچفوف وي جربه و الرايه خويه والسهم
اتخيليت ابصفنتي      واگف انت ابخيمتي
لحظه واسمع شمر صاح وگع راعي العلم

خويه يمك كلفه والشامت شتمني
ابچعب رمحه طگني واعله الگاع ذبني

خويه عتني    و ظل يجرني اعله الثره
خويه عتني     وانه زينب ما دره
الصاب گلبك صاب گلبي اصوابه
اثنين اديه اتحافظ العصابه
يابوفاضل     يابوفاضل
=========================

جمعت حيلي و گمت   و للخيم خويه اركضت
شفت يا خويه الاخيام تشب من الجمر
وارجعت صوب الحرب    جيت ادوّر عالگلب
شفته طايح و الخيول تدوس اعله الصدر

وثعنش طبره اعله نحره و آيحالي
شالوا الراس برمح والرمح عالي

ما شفتني    من اوصلت ذاك الجسد
ما شفتني     ابلا نحر يمي گعد
و گال المسي چبدي و عطّابه
اثنين اديه اتحافظ العصابه
يابوفاضل    يا بوفاضل
=========================

صرت يم حسين اشوف  حرمه بس تبچي و تطوف
ريحة الزهره اشمها و شفت خد منسطر
اتگله يبني اشهالعذاب   ليش نايم عالتراب
نام يبني اعله صدري و لو بيه الكسر

اظلوع ما شوفن يبواليمه اعله صدرك
ليش ليهسه يصب يا يمه نحرك

شيبتني      شاهدت هذا الوضع
شيبتني      خنصر ايدك منگطع
وخاتمك چان ابصبع سلّابه
اثنين اديه اتحافظ العصابه
يابوفاضل     يابوفاضل
=========================

جهزوا نوگ السبي   و يسروا كل العبي
وانه گتله يحادي اخذني للنهر
ارد اودّع هيبتي     و يمه اعوفن دمعتي
ليلي من بعده ظلمه و لا يوجد گمر

اعذرني يمك خويه لو صحت ابعويلي
احبال خشنه چتفتني يا كفيلي

شوف متني    ازرگ و ما عندي حيل
شوف متني     شحالي لو يلفيني ليل
خويه جمره بمهجتي لهّابه
اثنين اديه اتحافظ العصابه
يابوفاضل      يابوفاضل
=========================

الشاعر
حسام البهادلي

https://www.tg-me.com/القلم الحسيني/com.amAli30

بلحافر تعاتب وكفت ام عون
تكله شلون تسحگ حلو العيون
༄💔 ★═━━▒ ━═★༄
••••••••••••••
تكله شلون من دست اعله صدره
هذا حسين ماتعرف تعبره
خله بكل صدر هليوم عبره
من فعلگ بجه شموجود بلگون
༄💔 ★═━━▒ ━═★༄
••••••••••••••
تحجي ويه المهر ودك عله الراس
تكله انته يخايب ماكو احساس
تدوس اعله الصدر وتكطع النفاس

هاذا ابن النبي البي يحلفون
༄💔 ★═━━▒ ━═★༄
••••••••••••••
هذا ابن النبي هذا ابن الطياب
من فعلگ يخايب الگلب شاب
تسحگه شلون ودوفه بالتراب
ويتامه بقت شنهو شيسون
༄💔 ★═━━▒ ━═★༄
••••••••••••••
شسوي اليتامه عكب الحسين
يحافر شنهي وبيمن تدوسين
جنج ما عرفتي ابن الميامين
هاذا الي ابوه راهب الكون
༄💔 ★═━━▒ ━═★༄
••••••••••••••
يحافر ياظلع كاسر بعد بي
هذا حسين هون لا تئذي
اريدن بس اشمه بحضني اخلي

ابن امي وعليه موش بلهون
༄💔 ★═━━▒ ━═★༄
••••••••••••••
ماضلي  صبر لا ضل بعد حيل
من شفت الولي أدما اسيل
انكسر كلبي انه وراح الحيل
ابراس الولي كامو يهوسون
༄💔 ★═━━▒ ━═★༄
••••••••••••••
هيج عتابهه ويلحافر اليوم
تكله حسين عاري مسلب هدوم
بدنيه طفت مو نجمه انجوم
وخلي اهل الحزن لجله يونون
༄💔 ★═━━▒ ━═★༄
••••••••••••••
تمت بعون الله بقلام✍🏻✍🏻 خدام اهل البيت عليهم السلام الشاعر ابو سلام الجابري)) والشاعره ام زين العابدين لمحمداوي
https://www.tg-me.com/القلم الحسيني/com.amAli30

كفت بس ذبح يحسين هيج شلون كفتها
كلمن يندل اهله وراح زينب وشبعد عدها
««««««««««««««««««««
لا عدهه اخو ولا داره هيج البين خلاهه
بس ايتام كلهه  تنوح وزبنب تبجي وياهه
من كربله الحد الشام حبل السبي الوداهه
والهم والحزن والنوح صار بكثر ممشاهه
بلوحشه وتشوف الدار تحير يا مصيبتها
«««««««««««««««
كفت بس نسه وطفال
والهم كابع الحره
خلت كل بني عدنان نومه كلها علغبره
ومتحزمه ابكدر وهموم
وتمشي وهيه منتصره
ويا طبتها لرض الشام
جرح بيها فلا يبره

ودروب المشت بيها
ابهظم وحزان خلتها
«««««««««««««««««««
هناك تحيرت بشام يوم الشافت عداها
حرمه وحايره بنسوان زينب محد وياها
تشوف الروس فوگ رماح وحارت وين منواها
عتبت بلدمع وتكول ياعباس ترظاها

زينب تنسبي وعدوان هذا اليوم گادتها
««««««««««««««««««
ترضاها يبو فاضل زينب تمشي ويه انذال
اجيت ابصايتك ياخوي وانته للضعن كفال
يبن حيدر ترضه اشلون يسره امربطين احبال
انهض يا ابو الغيره وجيب الماي للأطفال
چم لوعه شفت عباس
ابيوم الشام طبتها
««««««««««««««««««««
ترظاهه اطب الشام وعيون العده تصدلي
شكلهم ما الي خوان ومحد منهم يردلي
شتموني وحس براس من فوگ الرمح هدلي
يادمعي بعد شيفيد يافچه بعد سدلي
وزينب خل اصيح اليوم زينب فاگده خوتها
««««««««««««««««««
تكله ياعجيد الكوم من طبينه للكوفه
تلكونه يابو فاضل كلمن شايل ادفوفه
وﺟن عدهم فرح ياحيد وعلينه عداك مصفوفه

صحت ابصوتي يا عباس
وسفه طاحن اچفوفه

وبو السجاد عله الغبر
وجثته الخيل رضتها
«««««««««««««««««««««««««

تمت بعون الله بقلام خدام اهل البيت عليهم السلام
الشاعر ابو سلام الجابري))
والشاعره ام زين العابدين لمحمداويه))

https://www.tg-me.com/القلم الحسيني/com.amAli30

بين ناگه وناگه طايحلي طفل
شلون المهم وانه بجفوفي حبل
حايره بظعن السبايه
الحادي مشانه عله رايه


بين خطوات السبيايه وبين حسرات الزغار
كمت اشوفن جثه ميته وخيمه تلهب بيهه نار
وظعن يمشي بليه والي وما تلمنه بغربه دار
الطايح يجره حبلهم واليموت بلايه ثار

ايتام محتاره نسبينه
وساتره علينه عبينه
وحرم نمشي بلا حمايه
الحادي مشانه عله رايه

بعيني اشوف الناكه تعثر بلجثث طول الدرب
ترفه يجفوف اليتامه منلحبل دم وتصب
واليطيح السوط لاحه ويمشي بلكوه وغصب
حيره محتاره بزماني وحيده مابين الغرب

خلاف خوتي تحيرت
ريت وياهم متت
ولاشفت هاي الرزايه
الحادي مشانه عله رايه

شفت ظحكات الشماته شلون من يبجي طفل
الحرم تصرخ كافي ارحمه الحادي ويجر بلحبل
يصيح يسكت لا اذبحه تعوديتو عله الكتل
عيرانه بامر هين هل الامر كلش سهل

عيرونه بهل امر
مادرو نفدي العمر
ولا نهاب احنه المنايه
الحادي مشانه عله رايه

كمت اباوع علحوافر خاف تسحگ بليطيح
بدمع خلص نهاري  بين غربه شلون اصيح
صرنه مثل السعفه تهتز منين ما طكاهه ريح
وعمده ماخلونه نوكف خاف نوكف نستريح

ماكو راحئ من دمع
وگلب بلهم  منفجع
والحزن صار انه غايه
الحادي مشانه عله رايه

بعد ابو اليمه وكفيلي تعذبت هذا العذاب
لا لي اول لالي تالي حسين نايم عل تراب
وگظي يومي عله الهزيله ابجي ولهذا المصاب
الطفل لو يعرف حزنه وراسه گبل ايامه شاب

همومنه تشيب الجنين
راح من عدنه الحنين
وهاي صارتلي النهايه
الحادي مشانه عله رايه


ابو سلام الجابري


#مؤسسة الفاطمي

https://www.tg-me.com/القلم الحسيني/com.amAli30

فزاعي

الخيل الخيل داسن صدر الحسين
       .................
1_ابحوافرهن وسحكنه..
روحه اوجيه داسنه..
يوسفه وحيل لجمنه..

ايسيل ايسيل دم ابن الصلاطين..
الخيل الخيل داسن صدر الحسين
     ...................
2_حسين المنذبح نحره..
داسنه عله صدره..
ونت زينب الحره..

الحيل الحيل صاحت راح لاوين..
الخيل الخيل داسن صدر الحسين
       ...............
3_مارحمن ببو اليمه..
اوسال اعله الترب دمه..
يحيف انداست النعمه..

الويل الويل ضله كله نياشين..
الخيل الخيل داسن صدر الحسين
       ..............
4_كلش يوجع امصابه..
اوعليه الدمعه سجابه..
خلهه اتنوح احبابه..

انسيل انسيل لجله دمعة العين..
الخيل الخيل داسن صدر الحسين
        ..............
5_واويلي اعله المسلب..
انصاره بقت تنحب..
وكلهه واست ابزينب..

اليل اليل نكضي نوح وونين..
الخيل الخيل داسن صدر الحسين

       كلمات خادم اهل البيت
        مصطفى الغريباوي
#مؤسسة الفاطمي


https://www.tg-me.com/القلم الحسيني/com.amAli30

بعد حيلي سيدنه باعن الخدر والعفه ماضل حياء مع كل الأسف الشديد


اللهم ثبتنا على خدمة ال محمد ولايحشرنه من اليسمن نفسهن ملايات واصواتهن بأذن الزلم

نموذج من ديوان مواجع الطف الجزء السابع خاص بالحسين 🔥🔥🙅‍♀️🙅‍♀️👌🏻👌🏻

ليفوتنكم الدواووين هلسنه مواجع الطف بجميع اجزائه ووووجع من اسمه مواجع

من اجمل ماخط القلم وجسد ما في مشاعر المحبين من اآلآم الحسين وآلِ الحسين عليهم السلام حروف كتبت بشجن ودموع تاره... وبحسچه جنوبيه وحماس يجمع مابين سحر الوسط وحرارة الجنوب فخرجت تلك الاحرف الهادئة المبكيه والأحرف الصاخبه الضاجه بحب الحسين عليه السلام .....تعالو ويانه خل ندخل على قناة الشاعره الحاجه ام حسين العسكري ناصريه ونرى ما أبدعت في المجال الحسيني....ولايفوتكم دائما جديدها المستمر ومتاكده راح تدعولي وتدعولها يالله خل نشوف

https://www.tg-me.com/Vvb313

https://www.tg-me.com/Vvb313

اهلاً وسهلاً بخادمات الحسين
جبتلكم قناة الشاعرة ام مهدي العيداني
صاحبة القلم الحسيني الحزين
جايكم محرم تستفادون من القصائد

الأشترااك من الرابط 👇🏻👇🏻👇🏻👇🏻

https://www.tg-me.com/zainabiat88

https://www.tg-me.com/zainabiat88

جديد محرم 2024

المستهل

أم الحسن وام عباس گعدن مگابل ياناس
بلمجلس وصاحن صوت
لحسين لطموا الهامات
ــــــــــــــــــــــــــــــــــــــــــــــــــــــــــ

حضرت الزهره للعزه وتلاگت وي ام عباس
والگلب موجور الگلب ونن بموجع الاحساس
وگعدن مگابل بالطم وحزن الگلب ماينقاس
وحده تنادي يالولد والثانيه أدگ عالراس

نادت ام عباس الويل
الحسين داسته الخيل
اشبع يگلبي لوعات
لحسين لطموا الهامات

ــــــــــــــــــــــــــــــــــــــــــــــــــ

اشبع ياگلبي من القهر وياعين صبي من دموم
ودعته محبوبي ومشه ومن يومها عفت النوم
حسبات گلبي ماهدن وانطر رجعته كل يوم
ماچانت أبالي تـرد زينب ترافچ الهموم

وحدها ردت للدار
واسالها عن الاطهار
گالت يرد لج هيهات
لحسين لطمواالهامات
ـــــــــــــــــــــــــــــــــــــــــــــــ

گالت يايمه أيسي مـايرد داره الـــي راح
والراسه مشيول برمح والجسمه للغبره لاح
گطعي الامل من رجعته توذر حسينج برماح
وعباس حادي ناگتي عالنهر يايمه طاح

وگطعو الاعادي الجفين
وبسهم مصيوبه العين
گلت لها يرحن فدوات
لحسين لطموا الهامات
ــــــــــــــــــــــــــــــــــــــ

صاحت الزهره ام الحسن گلبي تگطع نصين
كل اللطم يافاطمه والنوح لاجل الچفين
ونيت ولطمت الظلع موللحسن لولحسين
عباس هو لچمتي وهو الگلب ويه العين

بيوم الذي شفته طاح
صوب النهرگلبي راح
يم چفه اجر بالحسرات
لحسين لطموا الهامات
ـــــــــــــــــــــــــــــــــــــــــــــ


جريت حسرات وشچن و يم النهر صحت بصوت
ييمه فز من نومتك گلبي لمصابك مفتوت
اگعد ياجيدوم الحرب أكعد يالمبچي الموت
مابيه حيل لفگدتك ياروح گلبي المبخوت

اكعد ياأبني الوفاي
يايمه تيهت الراي
من صاحو الگافل مات
لحسين لطموا الهامات

ــــــــــــــــــــــــــــــــــــــــــــــــــــــــ

تاه العقل ناح الگلب من سمعت راح الحيل

مابي أكوم اعله الوجه طحت وصحت ربي دخيل

راح السند للعايله راح اليسكت الي يعيل
كافل اخيته الهاشمي بعد الضعن راح يميل

ينكسرضهر الحسين
ماضل بعد عنده معين
وتكثر بگلبه الطعنات
لحسين لطموا الهامات

ــــــــــــــــــــــــــــــــــــــــــــــــــــــــ

🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆



https://www.tg-me.com/القلم الحسيني/com.amAli30