صوره ناطقه بالحب❤️
لكل وحده حاسه انها مستعده للإرتباط وعايزه تتزوج ، ختي الصوره دي خلفيه ، خلي عينك تشوفها كتير +اشتغلي على معتقداتك تجاهه الزواج والرجل بشكل عام ، ظبطي نفسك وكأنك حتعرسي بكره +ظبطي طاقة الانوثه جواك ، ادعي كتير ، وان شاء الله تلاقي نصيبك قريب ❤️

للمعلومه بس الصوره دي من تطبيق بنترست الرائع ❤️

احضرو الفيديو ده يابنات

الراجل لما يحب ، بيعرف يصلك وين ماكنتي وكيف ماكانت ظروفك ، عمرو ماحيخليك اسيره لمخاوفك وافكارك ، وعمرو ماحيخليك تسألي نفسك هل هو فعلا بحبني ؟ لانو دايما وابدا بكون بثبت ليك في الكلمه دي بالافعال قبل الكلام ..
ف الراجل الصح ظاهر ، الراجل العايزك بجد كمان ظاهر ، ولما تلاقي راجل عايزك وجادي وبحبك ، اتمسكي فيه ،حبيه ، كوني ليهو سند زي ماعايزاه يكون ، اصلو مع بعض لبر الامان ، اصلو مع بعض لأي هدف عايزنو ، لانو بجد الحياه بتكون اسهل واحلى بكتير لما يشاركك فيها حد بحبك زي رموش عينيه ❤️
#لينا_عوض

حصل سمعتو يتقشير فروة الراس؟

حبة نفسيات في العيد❤️

الفيلم العلاج بالنسبه لي 🥲💔

طمام بطن من العالم غير طبيعي

بنات 🥺
لقيت حساب في الانستا بتاع كابلز وكأنهم من الروايات🥺❤️
تعرفو الbad boy داك في تعاملو وكده ، وكيف بعامل حبيبتو بتملك الى حد ما يعني ..

لقد وقعت في الغرام🥺❤️

- مااابديكم اسم الحسسابببب ماتحاولو😂،ده اكتشافي براي😂😂😂❤️

خلاص يخوانا ماتفجروني برسايلكم😂
بالله كلكم جيتو ناطين لي عايزين اسم الحساب يا كلبات😂😂😂😂
بديكم ليهو خلاص بس روقو علي شويه😂

بنات عندنا استشاره من وحده هنا في القناه ، محتاره بين ولدين (الاتنين جادين وبحبوها) ، واحد هي بتحبو بس هو طريقو طويل شديد لحد ما يصل(مادياتو تحت الصفر ،حنين ومهتم وكل شي ، عيبو حساس شويه كده يعني زعول من الاخر وشويه عندو تروما وشبهه نظرتو سلبيه كده بس من ناحية الحب هو مقطعو عديل يعني بعشق حنانها ومستعد يموت عشانها زاتو ، اما التاني ف هو عقلاني اكتر زول زكي جدا ومجتهد وطموح شديد ، كمان بيحبها وافكارهم بتتشابهه ، بس هو يعني ما رومانسي شديد وخجول حبه ،وعصبي شويه بس شغال على الحاجه دي وتركيزو الاكبر على شغلو بينما داك مستعد يقعد صباحو ومساهو يتكلم معاها ،ده جاهز وبكره بيجي يتقدم عادي ماشاء الله ، هي استخارت وماقادره تحدد برضو فطلبت مساعدتنا ف ياريت كلكم تختارو الشايفنو مناسب ولو قلتو ليها السبب في اختياراتكم تكونو ماقصرتو ، انا حوريها اسبابكم انتو رسلوها لي في الخاص بس حاليا شاركو تحت برايكم ❤️
@lnosha21

علل بذكر السبب رجاءااا 😂

شكلو في ناس كتير عندهم استشارات من النوع ده ومتلخبطين شديد ..
بدون ماتحتارو يابنات ، احضرو الفيديو الحرسلو هسي ده اظن انو بجاوب على كل شي

بنات ..
بعد عقد من السنين ، اتعلمت حاجه مهمه ، لما تعيشي فطرتك ك انثى وتخلي القياده للرجل والجري للرجل وانو يجيك هو ويعترف ليك هو ويسكك هو ويقول ليك انا عايز اتقدم ليك اديني رقم ابوك ، ده احسن الف مره وده الصح اصلا ..
ربنا لما حرم العلاقات وخلاها في اطارات محدده كان عشان يحمي قلبنا من التعب ومن التفكير والخذلان البيحصل ليهو ده ..

واذا حصل وانتي حاليا كنتي في علاقه ماعارفه تطلعي منها وحاسه بالتعب ، حقول ليك مامشكله استمري فيها ، بس عيشي دورك صح ، يعني ماتتجاري لي تاني ورا ولد عشان تسأليهو حتتقدم لي متين وبتاع ، الولد العايزك حيكسر الارض دي ويتقدم ليك في اسرع فرصه ومهما كانت الظروف وكلكم عارفين الكلام ده ..
انتي بس محتاجه تعرفي انك ما اقل من البنات البيتعمل ليهم كده في ولا شي ، احمي قلبكك ، حبي ربنا خلي علاقتك بيهو قويه ، وادعي واتمنى بالبتحبيه بس اياك اياك تهلكي قلبك في علاقه طويله ومامنها رجا ولا حتى بصيص امل او حتى وضوح .
اتفقنا؟
والكلام ده يمكن هسي تشوفي مستحيل ومامنطقي ، بس الدنيا حتوريك دايما وابدا انو كلام ربنا ده ماف احسن منوو وبس .
#lena