كل سنة و انتوا طيبين 🙏🏻❤️

عودة الرسالة الصباحية الجميلة. يومياً وقت السحور بعد الساعة ١٢ بالليل.

#الرسالة_الصباحية_الجميلة ( انتبه لعاداتك من اليوم الأول في رمضان لأنك بتخلق مسار جديد )

- لما تيجي تتسحر انتبه إنك مش بتحوّش أو بتدّخر أكل عشان متجوعش. ده مش صحيح و فكره غلط. انت بتتسحر عشان تاخد العناصر الغذائية المفيدة اللي جسمك محتاجها. غيّر فكرتك و انت هتلاقي تغير في سلوكياتك.

- انت مش جمل 🐫 هتخزّن مياه. اشرب قدر المياه الكافي اللي جسمك محتاجه على مدار اليوم فترة الفطار. و وقت السحور اشرب بما يكفيك. شرب كميات كبيرة ملهوش لزمة.

- وقت الفطار معدتك و جسمك مش محتاج أكتر من العنصائر الغذائية المفيدة. أي أكل زيادة ف دي شهوة نفسية ملهاش علاقة بأي شيء صحي أو احتياج لجسمك. غيّر الفكرة انك تاخد الخفيف المفيد.

- الصيام لله سبحانه و تعالى. امتثال لأحد أوامره و طاعةً له سبحانه و تعالى. خلي دي نيتك الأولى و ممكن يتبعها فوايد كتير زي الفايدة الصحية.

- وراء كل سلوكياتك و عاداتك الخاطئة فكرة و معتقد خاطئ. غيّر الفكرة و المعتقد هيتغير السلوك.

#الرسالة_الصباحية_الجميلة

Throwback to this message ✨

"و لا يلتفِت منكُم أحد و امضوا حيثُ تؤمَرون"

حينما حان وقت نزول العقاب على قوم لوط ربنا سبحانه و تعالى أمرُه و قال له و لقومه لا أحد ينظر وراءه و لا يلتفت و امشوا في طريقكم لقدام.

التعبيرات القرآنية أكثر دقة في توضيح المعنى. "و لا يلتفت منكم أحد" "وامضوا حيثُ تؤمَرون". المُلتفِت لا يَصِل. ركز على طريقك و غايتك و هدفك فقط. إذا التفَتت ذهنك هيُشتَّت هتقع لن تصل.

لا تلتفِت للصوص الوقت و لصوص الطاقة و المُحبطين و الشخصيات السلبية و السامة. لا تلفِت لأهواءك اللي تبعدك عن الطريق. لا تلفِت لعلاقات سلبية. لا تلتفِت للماضي. لا تلتفِت لأحداث سلبية حولك.

لا تلفِت و انتبه و ركز في طريقك. المُلتَفِت لا يصل.

جميل جداً جداً 👏👏 👏
من مشاركتكم المبدعة. شكراً يا يمنى.

النيّة بتفرق. استغل الفرصة و حط نيّة إنك تستفيد نفسياً من العبادات في رمضان. و أنا هقولك تعمل ايه.

-اقرأ وِرد بسيط من القرآن الكريم وقت الصيام. افتح و تدّبر المعنى بقلبك. مش بقولك اعمل بحث علمي لكن جرّب إنك تشعر بالقرآن الكريم تتدّبر تفهم معنى ما وراء الآية.

-"أفلا يتدّبرون القرآن أم على قلوبٍ أقفالُها" عشان كده قلت لك تدبّر بقلبك لأن التدّبر بالقلب و ليس بالعقل. مُرّ ع الآيات و افتح قلبك و ربنا هيفتح عليك.

-صلّي التروايح إن شالله أربع ركعات إن شالله ف البيت لوحدك. التروايح مش فرض و لا أي حاجة بس دي فرصة لطيفة تتحدّث مع نور السماوات و الأرض الله. ادعي و متتكسفش من دعاءك. تمنّى و ادعي و انت ساجد.

-صلاة التراويح جزء من خلوة بينك و بين نفسك و بين الله. حاول تجّرب كده و شوف.

-الصيام مش فكرة مزعجة. هو حلو على فكرة و جميل. مش بقولك صوم اتنين و خميس و لا تشُقّ على نفسك، ده شهر واحد استمتع بيه على قدره العظيم. انت بتعمل لله سبحانه و تعالى حاجة بسيطة هي في الحقيقة لنفسك انت. "إلا الصيام فإنه لي و أنا أجزي به" يعني خير و فرصة حلوة جداً. استمتع.

-الأعمال الصالحة الطيبة اعمل اللي تقدر عليه. عزومة. زيارة. صلة رحم. صدقة. مساعدة. ليه لا؟ ما تجرّب "والله يضاعفُ لمن يشاء".

-جرب مع الإمساك عن الأكل و الشرب تُمسك عن العصبية، عن الغباء، عن العِناد، عن الصراخ، متصدعناش. هذّب نفسك كده.

-اهدى. استرخي. اتمشّى. هذّب أكلك و شُربك. متاكلش كتير و تتقلب زي التلاجة على ضهرك. هذّب نفسك كده.

-اشتغل ع الرايق. استمتع بفكرة إنك بتشتغل بذهن صافي مع معدتك الفاضية. ف الأول هتجوع بس بعد كده خلاص معدتك هتستوعب إنك صايم و بتعمل عمل صالح و مفيد كمان صحياً.

-متنساش النية انت مش بتصوم عشان الناس كلها بتصوم و لا عشان لازم تصوم و لا عشان ده موسم و لا عادة مجتمعية. انت بتصوم لله. انوي. و استمتع بكل الفوايد الصحية و النفسية. اهي فرصة.

#الرسالة_الصباحية_الجميلة

#الرسالة_الصباحية_الجميلة

من مشاركتكم الجميلة 💌شكراً يُمنى.

متفرجتش على و لا إعلان في رمضان و لا برنامج. و لا فارق معايا أشوف أو أشير كوميكس و بفتح فيس بوك مش ببقى فاهم الناس بتتكلم على ايه.

لا يهمني أنتقد الإعلان الفلاني و لا الممثل الفلاني و لا لاعيب الكورة الفلاني و لا فارق لي أعطيهم وقتي و تركيزي و طاقتي. انت مش متشاف و دول الخسران فيهم كسبان ملايين الملايين و انت قاعد تتابع و تتفاعل.

انت ف الماتريكس ف المصفوفة. انت مُجرد أداة سلعة بتعمل صوت بتكسب الخسران فيهم ملايين. انت فين حياتك؟ تركيزك؟ طاقتك المُبَعثَرة المُهدَرَة؟

معنديش مشكلة تُعجَب بحاجة أو تحب تتابع حاجة، مش هي دي الفكرة خالص. الفكرة في عادات و سلوكيات و طريقة تفكير بتحكم الجميع و بتوجّه الجميع لنفس الطريق.

المصفوفة مش فرق غني عن فقير، بالعكس في أغنياء عايشين في مصفوفة بيسهروا نفس السهرات و بيلفّوا نفس اللّف و بيعيشوا نفس الحياة المرهقة المُتعِبة. المصفوفة فيها مستويات كتير، لكن كل مستواياتها تخضع لنظام واحد و هو أنك تفقد الكنترول. انتبه.

"ألم تكُن أرضُ اللهِ واسعةً فتُهاجِروا فيها"؟

فكرة الهِجرة إنك تنتقل من مكان إلى آخر أفضل. دايماً ربنا تارك لك في الكون اختيارات عديدة و مساحات كبيرة أخرى. انت اللي حاصر حياتك و فِكرك و اختياراتك في نطاق محدود و ضيّق و مُتعِب و مُرهِق.

الشُغل و الوظيفة المُرهِقَة قصادها في مساحات و اختيارات أفضل و متعددة. انت اللي باصص تحت رجليك و بتندب حظك.

العلاقة المُرهِقة المُتعِبَة انت اللي رابط نفسك فيها و متخيّل إنها تأبيدة. البَلَد المُرهِقَة و العلاقات السامّة و العادات السلبية… كل حاجة قصادها ألف طريق آخر أفضل. محتاج تتعب و محتاج تجتهد و محتاج تفكّر و محتاج تسأل حتى تُجَاب.

ألم تكُن أرضُ الله واسعة؟! اتحرّك… الفرصة اللي ضاعت. العلاقة اللي خسرتها و واقف عندها. المشروع اللي وقف و واقف معاه. ألم تكن أرض الله واسعة؟ أرض الله واسعة اتحرك.

#الرسالة_الصباحية_الجميلة

هل تشعر أنك مُرهَق نفسياً؟ كل شئ حولك أصبح مُزعجًا و يهدد سلامك النفسي؟
إذا استطعت أن تبني بيئة نفسية آمنة ستتمكن من العيش في سلام و استمتاع و اتّزان مهما اضطرب العالم حولك. و هذا الكتاب بين يديك هو دليلك للسلام النفسي في حياتك. 🙏🏻

هنستناكم في (أمسية ثقافية عن الصحة النفسية) في مكتبة الميكروفون ✨😍

هيكون موجود معانا الكاتب الدكتور / صلاح قطب .. مؤلف كتاب (جراحة نفسية) 👌
هو كاتب وجراح ومُحاضر ورائد أعمال وعازف بيانو ورياضي.. يعيش كل ذلك بينما هو مستمتعًا بكل ما يفعله بسبب التوازن النفسي اللي قدر يحققه في حياته ✌🏻😍

ميعادنا : يوم الخميس ٢١ مارس ⏰
الساعة ٩ م 👌

هنستناكم بمنتهى الشغف 💪😍

📍 مكتبة الميكروفون ( الفرع الرئيسي ) - الدقي.
ڤيلا ٢٨ جابر بن حيان متفرع من شارع الدقي، بالقرب من مطعم سمسمة، وعلي ٥ دقايق من مترو الدقي.
للتواصل : 01008449602
اللوكيشن :
https://maps.app.goo.gl/6mEg9Cheqvgzj9Z6A?g_st=iw

#مكتبة_الميكروفون
#مجانين_كتب


🔴🔴البوست من صفحة مكتبة الميكروفون🔴

حضور الأمسية مجاناً. إن شاء الله هكون موجود متأخر شوية في حدود 9:45 مساءً إن شاء الله. لو حد منكم حَضَر و محتاج يكلمني وقتها أو يسألني ياريت ميتكسفش بالعكس هكون مبسوط بإني أشوفكم و أجاوبكم و نتصور كمان اذا حبيتوا. محبتي لكم و سلامي.

أمس من أمسية مكتبة الميكروفون الثقافية بالقاهرة عن الصحة النفسية🟣

هكتب لكم أهم الأسئلة التي سُئلَت في الأمسية و إجاباتي عنها حتى يستفيد الكل.

💟إزاي من الجراحة للصحة النفسية؟

حرفياً جاي لكم حالاً من المستشفى و عالم الجراحة و الأكشن و العمليات لأمسية عن الصحة النفسية؛ لأن صحتك النفسية هي الأهم.

نفسك هي التي تحملُها معك طول حياتك. هي صديقك الأوحد و رفيقك الوحيد الدائم في رحلتك. مش قادر أتخيل إزاي الناس عندها فقد في الاتصال بذاتها و في فهم أنفسهم و التعامل معها.

اتعلمنا كل شيء عن أي شيء. جبر و فيزياء و علوم كل شيء عن أي شيء حرفياً عدا أنفسنا! عدا الاهتمام بأنفسنا.

🟣فقدان الشغف في حياتنا. ايه السبب؟

الأغلب في مشكلة حصلت معاك و مش عارف تتجاوزاها. في ملف عقلي مفتوح عندك لم يُغلَق بعد. الملفات العقلية المفتوحة أكتر حاجة تُرهِق نفسك.

💟إزاي يبقى عندي مرونة نفسية لتجاوز الأزمات؟

محتاج تفهم إن المشكلة ليست في الحدث و لكن في تفاعلك انت مع الحدث. إذا تكوّن عندك وعي بإن الحَدَث في مكان و انت في مكان و بينكم مسافة، ده هيخليك متاخدش المواقف على أعصابك و هتحمي نفسيتك من إرهاق كبير جداً.

إذا تبنّيت هذا الوعي هيبقى عندك مساحة إنك تتعامل مع أي موقف يحصل بشكل لا يضّر بنفسيتك. أصلاً المواقف و الأحداث مش هتتحول لأزمات؛ لأن زي ما قلت لك المشكلة مش ف الموقف نفسه لكن في تفاعلك انت معاه.

💟هل ده مش معناه تجاهل و كبت للمشاعر؟

لا طبعاً. بالعكس انت هتتعامل مع الموقف لكن بشكل لا يضر بنفسيتك. في مواقف يصح تجاهلها تماماً كلام فارغ. و في مواقف ممكن تكون مصيرية أو مهمة لا تنخرط فيها و خد المسافة بينك و بين الموقف هتتعامل معاه صح بدون أذى نفسي.

اتكلمت ف كتاب جراحة نفسية و قلت احترم مشاعرك و قدّرها. أعطي نفسك المساحة للحُزن للبُكاء. مفيش أي مشكلة لكن لا تتمادَى حتى لا تهلَك.

🟣إزاي أتعامل مع الشخص النرجسي؟

لا تتعامل. و خليكي ف حالك و ركزي على نفسك و عالمك الداخلي. تجاهلي و لا تتفاعلي.

💟لما بركب المترو أو بطلع في المِصعَد بحس بخوف شوية؟

اركب مواصلات و اطلع ع السلم.

🟣مش عاوزه أذاكر أو امتحن أو أروح الجامعة. فاقدة الشغف.

و أنا والله. عادي محدش بيحب يذاكر او يمتحن او يتمرمط ف الجامعة. تضخيمك للمشاعر السلبية و إحساسك بالذنب تجاه أشياء في أصلها مملّة هيولّد عندك إحساس بجلد الذات و بإنك غير طبيعي. مع ان دي أحاسيس طبيعية. خد نفسك و خد بريك و ارتاح. و ارجع شوف سلسلة عبقرية المذاكرة او اقرأ كتاب بطل دح و ذاكر صح.
.
.
.
💬بعض الأسئلة و إجابتها من أمسية أمس عن الصحة النفسية بإحدى مكتبات القاهرة الكُبرَى.

#الرسالة_الصباحية_الجميلة ☕️

الفيديو من مشاركاتكم 💟 شكراً يُمنى.

-عاوز تفقد وزن؟ اشرب مياه 💦 جزء من الوزن الزائد بيكون بسبب ال water rentention اللي بيحصل لما تكون مش بتشرب قدر كافي من المياه.

-عندك وجع في كليتك؟ اشرب مياه💦 . أهم عُنصر على الإطلاق لسلامة الكِلَى و آداء وظيفتها بأفضل شكل هو المياه.

-عاوز تنقّي كليتك من السموم؟ المياه أهم عُنصر لعملية تنظيف السموم من جسمك.

-عاوز بشرتك تكون أفضل و أكثر نضارة؟ المياه أهم عُنصر لأن هي المكوّن الأساسي و الأكبر لكل خلايا جسمك.

-قلة شُرب المياه بتزيد في رمضان، ف جسمك ممكن يدخل في حالة جفاف و دي حالة خطر ⚠️

-قلة شُرب المياه بتعمل وجع في كِليتك، و لا قدر الله تعمل مشكلة فيها على المدى الطويل. مشكلة كبيرة.

-في الشتا بتنسى تشرب مياه لأن شعورك بالعطش بيكون قليل. لكن ده ملهوش أي علاقة باحتياج جسمك للمياه.

-محتاج اد ايه مياه؟ متوسط ٣ لتر مياه في اليوم.

❔مش بشرب مياه كتير أعملها ازاي؟

💧خلي قدامك زجاجة خاصة بالمياه flask تبقى عارف انها مثلاً ٣ لتر. دي تتملي أول اليوم و التارجت تخلص قبل نهاية اليوم.

أو لو بتشرب مياه معدنية أول اليوم تفتح زجاجة اللتر و نص. تخلص قبل نص اليوم عشان تفتح التانية و تخلص قبل نهاية اليوم.

🚰زجاجة المياه جمبك ع السرير. جمبك ع المكتب. في السيارة. ممكن توزّع الزجاجات الصغيرة في الأماكن اللي بتكون موجود فيها. كل ما كُنت مُحاط بالمياه كل ما هتفتكر إنك تشرب.

#الرسالة_الصباحية_الجميلة

#الرسالة_الصباحية_الجميلة

(إزاي تكون من النُخبة الناجحين؟ كيف تتحرك لمحيط أعمق و أكبر من النجاح؟) 1️⃣

#الرسالة_الصباحية_الجميلة

(إزاي تكون من النُخبة الناجحين؟ كيف تتحرك لمحيط أعمق و أكبر من النجاح؟) 2️⃣