tg-me.com/salahkotb/1478
Last Update:
النيّة بتفرق. استغل الفرصة و حط نيّة إنك تستفيد نفسياً من العبادات في رمضان. و أنا هقولك تعمل ايه.
-اقرأ وِرد بسيط من القرآن الكريم وقت الصيام. افتح و تدّبر المعنى بقلبك. مش بقولك اعمل بحث علمي لكن جرّب إنك تشعر بالقرآن الكريم تتدّبر تفهم معنى ما وراء الآية.
-"أفلا يتدّبرون القرآن أم على قلوبٍ أقفالُها" عشان كده قلت لك تدبّر بقلبك لأن التدّبر بالقلب و ليس بالعقل. مُرّ ع الآيات و افتح قلبك و ربنا هيفتح عليك.
-صلّي التروايح إن شالله أربع ركعات إن شالله ف البيت لوحدك. التروايح مش فرض و لا أي حاجة بس دي فرصة لطيفة تتحدّث مع نور السماوات و الأرض الله. ادعي و متتكسفش من دعاءك. تمنّى و ادعي و انت ساجد.
-صلاة التراويح جزء من خلوة بينك و بين نفسك و بين الله. حاول تجّرب كده و شوف.
-الصيام مش فكرة مزعجة. هو حلو على فكرة و جميل. مش بقولك صوم اتنين و خميس و لا تشُقّ على نفسك، ده شهر واحد استمتع بيه على قدره العظيم. انت بتعمل لله سبحانه و تعالى حاجة بسيطة هي في الحقيقة لنفسك انت. "إلا الصيام فإنه لي و أنا أجزي به" يعني خير و فرصة حلوة جداً. استمتع.
-الأعمال الصالحة الطيبة اعمل اللي تقدر عليه. عزومة. زيارة. صلة رحم. صدقة. مساعدة. ليه لا؟ ما تجرّب "والله يضاعفُ لمن يشاء".
-جرب مع الإمساك عن الأكل و الشرب تُمسك عن العصبية، عن الغباء، عن العِناد، عن الصراخ، متصدعناش. هذّب نفسك كده.
-اهدى. استرخي. اتمشّى. هذّب أكلك و شُربك. متاكلش كتير و تتقلب زي التلاجة على ضهرك. هذّب نفسك كده.
-اشتغل ع الرايق. استمتع بفكرة إنك بتشتغل بذهن صافي مع معدتك الفاضية. ف الأول هتجوع بس بعد كده خلاص معدتك هتستوعب إنك صايم و بتعمل عمل صالح و مفيد كمان صحياً.
-متنساش النية انت مش بتصوم عشان الناس كلها بتصوم و لا عشان لازم تصوم و لا عشان ده موسم و لا عادة مجتمعية. انت بتصوم لله. انوي. و استمتع بكل الفوايد الصحية و النفسية. اهي فرصة.
#الرسالة_الصباحية_الجميلة
BY د.صلاح قطب
Warning: Undefined variable $i in /var/www/tg-me/post.php on line 280
Share with your friend now:
tg-me.com/salahkotb/1478