الشاعر مهيمن الموسوي | Telegram Webview: mys

بحق الامام الكاظم عليه السلام
مهيمن يوسف الموسوي ١٤٤٥هـ ٢٠٢٤م

يالكاظم المظلوم زوار اجت هاليوم
للكاظميّه بهاي الرزيّه
لموتك گلبها هموم زوار اجت هاليوم
..........
يا موسى بن جعفر اجت يا سيدي يالكاظم
الزاير يگصدك بالمشي بهمّه و عزيمه قادم
بهاي المسيره الخالده باقي رغم كل لائم
وشما يقدم لو نطه لجلك ابد ما نادم

ايحسّ بفخر موجود عقله بأمر معگود
فكره و إراده بيها اعتقاده
لموتك گلبها هموم زوار اجت هاليوم
..........
متحزّمه يا بالرضا هاي الجموع الزوار
من كل مكان و گصدتك لا ما تردها الاخطار
وتحمل عقيده ثابته ونهج و معارف و افكار
بحبّ و ولائك تستمر بيها امامي احرار

نذرو الك لسنين للدوم مفتخرين
يبقى بثباته بهايه صفاته
لموتك گلبها هموم زوار اجت هاليوم
..........
خمسة و عشرين برجب وبكل سنه مشايه
هالشيعه لجلك سيدي يا يالرضا وفايه
لزيارتك ولمرقدك عدهم عظيمه الغايه
باقي الموالي معتقد هاي القضيّه و غايه

موقف ثبت بالروح بعمره يظل ميروح
بحسره و أنينه قدّم سنينه
لموتك گلبها هموم زوار اجت هاليوم
..........
يا كاظم الغيظ الولي كل شيعتك متوحدين
رغم التعب لجلك فده بهاي المسيره ماشين
من اول اسنين العمر لجلك امامي امضحين
اتحسّ ابقصور شما الك تنطي و تقدم اسنين

تفدي و تقدم اعمار يبن النبي المختار
وكلها ذكرها لجلك أمرها
لموتك گلبها هموم زوار اجت هاليوم
..........
للكاظميّه و اعتنو بهاي الزياره مولاي
بلهفه تزورك گاصده كل شيعي بيهم وفاي
وفّو عهدهم ما تزل عن العقيده و الراي
روح و گلب بي معتقد لزيارتك حين الجاي

يا يالرضا تدريه گلب الموالي شبيه
يسري بدمانه لجلك ولانه
لموتك گلبها هموم زوار اجت هاليوم
..........
بين البشر من كل صنف ديني الشخص لو مُلحد
شيعه نفسها ما أجد هيچي بشر تتوحّد
رُغم الخلافات التُمر كلها الضريحك تگصد
ابنِيّه و عقيده ثابته وحبهم فلا يتحدّد

لكل المذاهب و الدين نفس اليزورك وين
بس شيعتك هاي عدها الصفه و راي
لموتك گلبها هموم زوار اجت هاليوم
..........
خلها الديانات الذي بهذا الأمر متعجبه
من كل دول لجلك إجت لا ما تحسّب صعبه
لگبرك تزوره بهالأمر عدها أراده و رغبه
لو ما تزورك سيدي اتحس بالحزن و الغربه

روح و گلبها اوياك بالدم فخر يفداك
كلمن يواليك بيها يحيّك
لموتك گلبها هموم زوار اجت هاليوم
..........
من يوم موتك بالغدر كل شيعتك متحدّه
درب النجاة امن الخطر بيك الأمن معتقده
مثل الجبل صبر المُحب قوّه و ثبات العنده
رغم العده بكيده و حقد رايد يمنعنه ايردّه

هذا الامر معروف ثابت يظل موصوف
كلمن تعنّه وبگلبه ونّه
لموتك گلبها هموم زوار اجت هاليوم
..........

مهيمن يوسف الموسوي
٢١ رجب ١٤٤٥هـ
٢٠٢٤/٢/٢م يوم الجمعة ١١:١٧م

www.tg-me.com/us/مهيمنيوسفالموسوي/com.mys_313/10188

360 viewsمهيمن يوسف, Feb 2 at 20:44

tg-me.com/mys_313/10188

Create: 2024-02-02
Last Update: 2024-05-21 09:08:02

BY الشاعر مهيمن الموسوي

Warning: Undefined variable $i in /var/www/tg-me/post.php on line 280

Share with your friend now:
tg-me.com/mys_313/10188

Open in Telegram

مهيمنيوسفالموسوي Telegram | DID YOU KNOW?

Date: 2024-05-21| مهيمنيوسفالموسوي

Telegram has exploded as a hub for cybercriminals looking to buy, sell and share stolen data and hacking tools, new research shows, as the messaging app emerges as an alternative to the dark web.An investigation by cyber intelligence group Cyberint, together with the Financial Times, found a ballooning network of hackers sharing data leaks on the popular messaging platform, sometimes in channels with tens of thousands of subscribers, lured by its ease of use and light-touch moderation.

Telegram announces Search Filters

With the help of the Search Filters option, users can now filter search results by type. They can do that by using the new tabs: Media, Links, Files and others. Searches can be done based on the particular time period like by typing in the date or even “Yesterday”. If users type in the name of a person, group, channel or bot, an extra filter will be applied to the searches.

مهيمنيوسفالموسوي from us

Telegram الشاعر مهيمن الموسوي
FROM USA