ስነ - ቃል😊[ከእናቴ ሰማሁት]

ነጃት ሐሰን
:
@Venuee13
@Venuee13

አንድ ትልቅ ሰው
‹የአደም ልጅ ንግግር ሁሉ ልክ ቢሆንና ስራው ጥሩ ቢሆን ለኪሳራ ቅርብ ይሆን ነበር› አሉ።
‹እንዴት ይከስራል?› ቢባሉ
⟨በራሱ ይደነቃል አሉ። ⟩

ተምሳሌታችን ﷺ

አሰላሙ አለይኩም ወራህመቱላሂ ወበረካቱሁ! መጪውን የረቢዕ ወር በማስመልከት ስለ ውድ መልዕክተኛችን ﷺ ተምሳሌትነት የተዘጋጁ አጠር ያሉ ማሽታዎሻዎች በእህት ናዲያ አማካኝነት በቡክሌት መልክ ተዘጋጅቷል! ታነቡት ዘንድ ጋበዝናችሁ።

መልካም ንባብ ይሁንልን!

አሏሁመ ሰሊ ወሰሊም አላ ሰይዲና ሙሐመድ ﷺ

የደረሰብን፣ የሚደርስብን፣ የምንፈራውን መከራ የሚያስረሳ ፀጋ ናቸው #ተወዳጁ [ﷺ]።
እንደውም የፀጋ መሰረት፣ የሰው ልጅ ክብረት መነሻም ናቸው።
ሰው መሆናቸው እርሳቸውን አያከብርም። እርሳቸው ሰው መሆናቸውን ግን ሰውን አክብሮታል።
ወዳጅ ሁላ "ሚን አንፉሲሂም" ያለውን አስተንትን!

ረኡፍ ፡ ረሒም

ለእርሳቸው ብቻ ከተገቡ ስሞች መሃከል የሚመደቡ ሩኅሩኅ እና አዛኝ የሚል ፍቺ ያላቸው ስማቸው ሲሆን ከዚሁ ተያያዥ የሆኑ ነብዩ-ራሕማ፣ ረሱሉ-ራሕማ፣ ረሱሉል መርሐማ፣ ራሕመተል ኡምማ፣ ራሕመተል ዓለሚን የሚጠሩበት ስም ነው። ደረጃቸው ከፍፍ ማለቱ፣ ልእቅና እና ግርማቸው መናኘቱ ነው ስማቸውን ያበዛው። የስም መብዛት የግብር መስፋት ሆኖ ነው እስከ 99 ወይም 202 ድረስ ሰዎች የሰዪዳችንን ሰለላሁ ዓለይሂ ወሰለም ስሞች ቆጥረው የደረሱት።

"ለዓለማት እዝነት አድርገን እንጂ አልላክንህም" አንቢያ 107

አላህ ለፍጥረታት ሲያዝን ሐቢቡላህን ወደ'ሱ ይጠሯቸው ዘንድ ላከ። በእሳቸው መምጣት እምነተቢስ ሆኖ መንፈሱ ሞቶ የነበረው ማሕበረሰብ አንሰራራ። የመፈጠሩ ዓላማ ጠፍቶት መንገድ ስቶ ሲተራመስ የነበረ ኸልቅ ሁላ በእሳቸው ሰከነ። የእዝነት ነብይ ናቸው፡ እንኳን ላመኑባቸው ቀርቶ ለሚዋጓቸው ከሀዲያን ሳይቀር የሚራሩ። ለዓለማት እዝነት ናቸው፡ እንስሳት ብሶታቸውን የሚዘረግፉላቸው፡ እሳቸውም ሐቃቸውን የሚያስመልሱ፡ ሕፃናት ይወዷቸዋል፡ እሳቸው ያፈቅሯቸዋል፡ እርግብ የሞተበትን ብላቴና ጎንበስ ብለው እያፅናኑ የሚዳብሱ። ለፍጥረታት ሁሉ ማዘንን ያስተማሩ ሩኅሩኅ ነብይ..

لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ

"ከጎሳችሁ የሆነ ችግራችሁ በእርሱ ላይ ጽኑ የሆነ፣ በእናንተ (እምነት) ላይ የሚጓጓ፣ በምእምናን (ላይ) ርኅሩኅ አዛኝ የኾነ መልክተኛ በእርግጥ መጣላችሁ"

የእሳቸው ኡመት ምን ኃጢአት ቢያበዛ ምድር ላይ ጥፋት አይላክበትም። ከሃዲም ሆነ መናፍቅ ከእሳቸው እዝነት መጠለሉ አይቀርም።
"አላህም አንተ በውስጣቸው እያለህ የሚቀጣቸው አይደለም..."

አላህ የአማኞችን ልብ በኢማን ያሸበረቀው፣ አላህን በማወቅ ሀሴታቸውን ያደመቀው፣ እሳቸውን አስወድዶ የመረጠውን ያነገሰው፣ ምንዳቸውን ያለ ሒሳብ የለገሰው፣ ተቆጥሮ የማያልቅ ጸጋ ያፈሰሰው በአሽረፈል ኸልቅ ምክንያት ነው።
"እኔ የእዝነት ነብይ ነኝ" የሚሉት ሐቢቡላህ ሁሌም ወደ እዝነት ይጣራሉ። አማኞች በቻሉት መጠን ለፍጥረታት እንዲያዝኑ ያስተምራሉ።
"አዛኞችን አዛኙ ጌታ ያዝንላቸዋል"
"አላህ ከባሮቹ መሀከል አዛኞችን ይወዳል"
"የማያዝን አይታዘንለትም" ከእዝነት አስተምህሮዎቻቸው በጥቂቱ የሚጠቀሱ ናቸው።


اللهم صل على سيدنا محمد عدد ما فى علم الله
صلاة دائمة بدوام ملك الله.

<<ከመች ጀምሮ ነው 'ልቤ መሰበር አቁሟል።' ያሉኝአንቱ ሰው?>>

<<ለእያንዳንዱ ሰው ወዳጄ፣ ቅርቤ ከማለት ይልቅ 'ሰው ስለሆነ ነው' እያልኩ ኡዝር መስጠት ከጀመርኩ በኋላ!>>

@yeruh_weg

ምን አይነት ስሜት ውስጥ እንዳለን አያውቁም ግን በዱአ ያግዙናል....ምን እንዳስጨነቀን ወይም ስላለብን ሃጃ አያውቁም ነገርግን አብረውን ይጨነቃሉ....ምን እንዳስከፋን አያውቁም ቢሆንም አብሽርን በመሰለ ቃል ያፅናኑናል....

የምላቹ ስለአንዳንድ ቅመም ልቦች ነው።

የነሱን ውለታ በምን ትክሳለህ ቢሉኝ ከልቤ ተነስቶ ወደጌታዬ በምሰደው ዱአ መሆኑን እነግራቸዋለሁ።

(አብድልቃድር ኑር)

አንዳንዴ ጨለምተኛ ኹነን ምናምን ይመስላል... ግን እውነት አይመስለኝም... እንዴ ይህንን ሁሉ እሳት ችሎ መኖር የሆነ ተዓምር አይደለም?

ኑሮ ውድነቱ ይልፋችኋል... በዚያ በየሐገሩ ያለ ጦርነት ያደማችኋል... በዚህ ከጎንህ ያለ ደም መንቆርቆር ያራዥሃል... እንደኔ ጀናዛ ከሚወጣበትና የሚያለቅሱ ሰዎች በተኮለኮሉበት ቦታ ማለፍ በየቀኑ የሚጠበቅብህ ሲሆን ደግሞ ወይ ሞት ለካ እንዲህ ቀሏል እያልክ መገርመም ነው... ደግሞ ውስጥህ የልብህ ስብራት ይጠዘጥዝሃል...በዚህ ኑሮ ልብ ነፍስ፡ የውስጥ ህመም ምናምን እያሉ መቀባጠር እንዴት ቅብጠት ነው የሚል መንጋ ያጠናግርሃል... ያው ትውጣታለህ.. ዝም ብለህ እያገጠጥክ መቀላቀል ነው... ኧረ ተዐምረኛ ነህ ወዳጄ...
(ነጃት ሐሰን)
:
@Venuee13

እሾህ ነው ሕይወት፣ አሜኬላ የበዛበት። ለልስልስ ነፍስ የማይመች፣ ለወንፊት ነፍስ የሚስማማ ነገር።
❝ጌታዬ የምድርን ጣእር እያወቀ ለምን ነው የኸለቀን?❞ የምንልበት ቀን አንዳንዴ ሽው ይልብን አይደል? ለምን ይመስልሻል እንዲያ የሆነው? መቼስ የአላህን አዲልነት አንጠራጠርም?
ተንከላውሰን በዱንያ እንዳንሰምጥ የሚያግደን ፍቅር መኖሩን እንድናውቅ። ከለላ የሆነ... ከዚህኛዉ አለም አርቀን ማሰብ እንድንችል!

@yeruh_weg

እዚያ ደግሞ ፍቅር ብለህ የምትጠራውን የምትሸሽ ጠንካራ ሴት ትመለከታለህ… ግን እርሷ ማፍቀርም መፈቀርም እንደሚገባት ውስጧ ያምናል… ምናልባት በየቂኗ ልክ አላህ የሚልክላትን አፍቃሪ የምትጠብቅ ናት… በበር በኩል… በበር!

ምናልባት ዓይኖቿ የሚናገሩት ካልገባህ ከአንደበቷ ብዙ ላታውቅ ትችላለህ… ዝምተኛ አይነት ትሆናለች…  ሰዎች ፊትለፊት ጀግና፣ መስታወቷ ፊት ግን ፈሪ ናት… "ድንጋይ" ነገር ናት ወይ? ብለህ እስክታስብ ድረስ ደረቅ መስላ ትታይሃለች… አህ የልቧን ልስላሴና ድክመት ስትሸፍነው አላየሀትማ…  በቃ… ፀሀይ በአንድ አይኗ ውስጥ ትኖራለች… ጨረቃ ደግሞ በሌላኛው ዓይኗ…

@Fuadkheyr
@fuadkheyr

•| ከባሮቼ ዱዐቸውን የምወድላቸው አሉ። በመከራ እፈትናቸዋለሁ " ያ ረብ " እንዲሉኝ። |•

❤️ #الشيخ_الشعراوي عليه رحمة الله

ያ ረብ!💙
@ktebiban_meder
@ktebiban_medee

....ከጎናችን ባለው ሰው አይን ውስጥ ቀጣዩ ረመዳን የመጨረሻው እንደሆነ ብንመለከት ምን እናደርግ ነበር? አልያም.... ቀጣዩ ረመዳን የመጨረሻችን እንደሆነ እያየ ምንም ባይለን ምን ይሰማን ይሆን?.... ብዬ አሰብኩ..

.....አለ አይደል?.... በሚለዋወጥ አላቂ አለም ውስጥ የማይለወጥ ተደጋጋሚ እኛነት። የመጣውን ስለመጣብን ብቻ መቀበል... የለመድነውን ዑደት መደጋገም... ሲሄድ በግድየለሽነት መሸኘት። ቆይ ከዚ በኋላ ባይመጣስ?.... ለአንዴ እንኳን "ረመዳን ስለደረሰ አውቄም ሆነ ሳላውቅ...." በሚል መልዕክት ፈንታ "....ያ አኺ ፊላህ... የፊታችን ረመዳን የመጨረሻችን ይሁን አይሁን ስለማላውቅ በህይወታችን አሳልፈነው የማናውቀው አይነት ልዩ የዒባዳ ወር እንድናሳልፍ ልጠይቅህ ወደድኩ። አድርገነው የማናውቀው አይነት ልዩ ቃል እንገባባ። አደራህን ባሁኑ ለለይል ካልተነሳሁ ቀስቅሰኝ... ተራዊህ ላይም ካልተያየን ተደዋወለን እንተዋወስ... ቁርዓንን ደጋግሞ ከማኽተሙ እንለፍና እንማማረው... የመጨረሻችንም አይደል?... በቀን ውስጥ አላህን ባስታወሰወናቸው ሰዎች ቁጥር እንፎካከር... መጥፎ ቃል የወጣንም እንደሆን አሁን በምንገባባው ቃል ታስረን ሰደቃ እንስጥበት... እንደውም የተመደበች የሆነች ሰደቃን ያልሰጠንበት ቀን እንዳያልፍ.... የመጨረሻችንም አይደል?... በቃ... ለአንድ ወር ጀነት የምትገባቸው ሰዎች እንሁን.... ምናልባት ከዚያ በላይ ረመዳኖችን እንድንኖር ተፅፎልን እንደሆንና ተኮራርፈን ቢሆን እንኳ... 'ያኔ ባሳልነፍነው 30 መልካም ቀናት ትዝታ' ስም ያለ ቴክስት አማላጅ አፉ እንባባላለን።" የሚል መልዕልት ቢደርሰኝ ተመኘሁ። ያ ኡመተል ሀቢብ.... አላፊ የሆኑ ወዳጆቻቹንና... መጪዎቹን የሚቆጠሩ ቀናት አደራ...

@Re_Ya_Zan

ረመዷን ነገ አንድ እንደሚል ሰማን፤

ትናንት በዙሪያችን የነበሩ ለዛሬዋ የረመዷን ለይል ያልበቁ እልፍ ሰዎች አሉንና አሏህን እናመስግን። በዱኣ አንርሳቸው። በመልካም ሁኔታ ፆመው ተጠቅመውበት ከሚያልፉ ባሮች የምንሆንበት ወር ይሁንልን።

ረመዷኑኩም_ሙባረክ!🤩

@Re_Ya_Zan
@Re_Ya_Zan

«يا ربّ صلّ على النبيّ وآلهِ
ما عادَ عيدٌ وانقضى رمضانُ»
ﷺ

....አንዳንዴ ደግሞ.... የሁሉም ሰው ህይወት ውስጥ ፈላጭ ቆረጭ አለመሆናችንን መቀበል መልካም ነው። አለ አይደል?.... ሂጃብ በሱሪ ለብሳ ያየናትን ሁሉ ካልገላመጥኩ.... ጅልባብ ያለበሰችውን ሁሉ ሙሃደራ ካልሰጠሁ ማለት ኸይር አይደለም። ምናልባት ከቀሚስ ወደ ሂጃብ እየተዋረዱ ከመጡት መሃል አልሆነች እንደሆነስ?.... ምናልባት ሂጃቡን ለዛሬ ብቻ ልበሽውና የሰውን መልካም አቀባበል እያየሽ ትቀጥይበታለሽ በሚል ማለሳለሻ ቃል እየሞከረችው ቢሆንስ?.... ምናልባት ወደኢስላም ዛሬ ገና ገብታ በዙሪያዋ ያለውን ማህበረሰብ ተጋፍጣ የተቻላትን ለአላህ ለማሳየት እየጣረች ያለች እህት ብትሆንስ?.... አልያም ጅልባብን እየተመኘች የምትገዛበትን ገንዘብ እያጠራቀመች እስኪሞላላት በየለይሉ ጌታዋን እንዲወፍቃት የምትለማመጥ ሙእሚን ብትሆንስ?.... "ኢማን በልብ ነው" የሚለውን መሸፋፈኛ የመደገፍ አይነት ሳይሆን፣ የእህቶቻችንን የኢማን መንገድ በዘለፋና በግልምጫ አናክብደው በሚል ነው። ለራህማኑ ብለን ስላደረግነው ብቻ ቀላል ነውና ሁሉም ሊያደርገው ይችላል፣ አልያም ሁሌም ልንቀጥልበት በቂው ሰብርና ኢማን አለን ማለት አይደለም። አንዳንዴ እንደ ሁሉም ሴት የውበት ማረጋገጫ ያስፈልገናል እኮ፣ ፊጥራ ነው.... መች ነው ለመጨረሻ ጊዜ ለእህትህ "የታለ ሂጃብሽ?" ብለህ ከመባረቅ ውጪ "ሱብሃነላህ! ረበና በሂጃብ ምነኛ አስውቦ ፈጠራቹ!" አይነት ለስላሳ ቃላት ተናግረሃት የምታውቀው?... ምን አልባት ቤት ውስጥ ስለውበቷ በቂ ማድነቂያዎች ብትሰማ ኖሮ ከውጪ ሰው ሌላ መሸንገያ ባላስፈለጋት ነበር። አልያም መች ነው ጎረቤትሽ ከሌላው ቀን የተሻለ ተከናንባ ባየሻት ጊዜ "ለማያውቅሽ ታጠኚ" ከሚል አስተያየት ይልቅ እድሉን ተጠቅመሽ "አልሃምዱሊላህ ሁሌም ረበና የተሻለውን አለባበስ ለሁለታችንም ወፍቆን ጀነት ውስጥ ዳግም እንዲያገናኘን ዱዐ ሳደርግ ነበር። ዛሬ መቅቡል ሆኖ አየሁት... ኢንሻአላህ ለተሻለው አብረን እንጥራለን"....በሚል ልቧን ገዝተሽ ሂጃብ መተሳሰብ መሆኑን ምታሳዪአት?

....ብቻ....ከኛ ያነሰ የኢባዳ ተግባር ሲሰራ ያየነውን ሰው "ያ ረብ ከትናነቱ የተሻለ እየሰራ ይሁን። ካልሆነም ነገ ከዛሬው የተሻለውን እንዲሰራ አንተው ወፍቀው። ልቦች በጣቶችህ መሃል የሆኑት ራህማን ጌታ ሆይ.... ባንተ እዝነት ባይሆን እኛም ከሱ የተሻለ ቦታ ላይ አልነበርንምና" ብለን ዱዐ እናድርግለት። ወላሁል ሙስተዐን።

@Re_Ya_Zan

....አየህ....የሆነ ጊዜ ላይ ደግሞ በሂደት ከልጅነት ችኩል አስተሳሰቦች መውጣት ያስፈልጋል.... ፊልም ላይ ከምናያቸው ድራማዊ ምላሾች ረገብ ማለት.... ነገሮችን በመጀመሪያ ምላሻችን ሳይሆን አዳምጦ በመረዳት፣ ከልብ ብቻ ሳይሆን ከአእምሮም ተማክሮ የመወሰን፣ ወደ ቀጣዩ የህይወት እርከን ለመሻገር የመቁረጥ አይነት.... ተረዳኸኝ?

....ደግሞ የሆነ.... ትውልዳችን ሁለት አደገኛ ማማዎች ላይ ተንጠልጥሎ የቀረ አይመስልህም?.... አንዱን ስታየው ስሜቱን ከማዳመጡ የተነሳ በሱ ብቻ የሚመራ.... ራሱን ቀድሞ እንዳደገ የቆጠረ.... እቺንም ሲያይ የሚጓጓ፣ ያለፈችዋም ሚስት የምትሆነው የሚመስለው.... ትናንት ላግባት ስላለህ ምኗን አይተህላት ብለህ ሳትጨርስ ሌላዋን የሚጎትትብህ... ምን አዘጋጅተሃል ስትለው ገና የእናቱን ቤት የሚጠራ ብዙ ፊዚክስ የሆነ ሰው አለ። ከሱ ብዙም ሳትርቅ ደግሞ ያለፈ ያገደመው በሬን ባንኳኳ ብላ የምትጠብቅ.... ገና ማማሰያዋን አጥብቃ መያዝ ሳትጀምር ቆማ ስለመቅረት የሚያሰጋት.... ብቻ ይምጣ እንጂ ምንምስ ቢሆን አይነቷ የዋህ... ዜማዋ ከተሰበርኩ ተከዳሁ የማይተርፍ.... ትቆጣት ይሆን ታዝንላት ግራ ታጋባለች። ለነዚ መስፈርት ትለው ነገር አይዋጥላቸውም.... የእድሜ ብስለት፣ ስክነት፣ ምክክር ይሉት የትዳር መሰሶዎች በራሳቸው ጊዜ እስኪገለጡላቸው መታገስ እንጂ ተመክሮ ሚመለስ ጥቂት ነው።


....በሌላው ማማ ላይ ደግሞ ሰርክ ወጣት ሆኖ የሚቀር የመሰለው አርቆ አሳቢ ያሳዝንሃል። ማለት.... የትዳርን ጠቀሜታ አትሰብከው ነገር ሊገባው ከሚገባው በላይ ገብቶታል.... ለሆነ... አሁንም እርምጃ ሊወስድለት ላልቆረጠው አንድ ቀን፣ ቀን ተሌት ይለፋል... ለሱ ትዳር የጠፈር ምርምር ነው... በሃሳቡ ምድር ላይ የማይወርድ ፍፁም ቤተሰብ ይስልና.... የምታቀርብለት የትኛዋም ሀዋ በዛ ፍሬም አልገጥም ትለዋለች። እሷም ከሱ ብዙ አትሻልም.... ፍራቻ አይሉት ጥላቻ... ብቻ የሆነ ሽሽት አለባት። ጆሮ ከሰጠሃት.... በሷ ስሌት ሁሌም ገና ልጅ ናት። ሁሉም ወንድ ደግሞ ገና ብቁ አይደለም። በዙሪያዋ ያሉትን ያለ ጡት ዝምድና ሃላል ያደረገቻቸው ይመስል... "ወንድሜ ነህ እያልኩ እንዴት እንዲ ታስበኛለህ?" ብላ ማስደንገጥ ልማዷ ነው... ከምትርቀኝ በሚል የተመኛት ሁሉ እህትነቷን ይመርጣል። ማለት... በቀረበን ሰው ለልጆቹ እናትነት/አባትነት ታምኖ መታጨት እኮ ከጨዋ ውይይት ጋር ይበልጥ ያከባብራል እንጂ አያጣላም... ተረዳኸኝ?.... ለዛ ነው ከማደግም በኋላ ገና አለማደግ አለ ያልኩህ። አንተ ከየትኛው ነህ... እሷ ከየትኛው ናት አላልኩም... እሱን ለናንተው። እኔም ከየትኛው ሆኜ መካሪ እንደሆንኩ ለኔ እንተወውና.... ብቻ... ሁለታቹም ስከኑና ወደምትግባቡበት ብስለት እደጉ። በሁሉም ላይ መሀከለኛ ከመሆን ጉዳት የለም። ጨዋ ውይይቱን ደግሞ ራህማኑ ዳግም ሲያቀማምጠን... ፊ አማኒላህ።

@Re_Ya_Zan