tg-me.com/jnobeaa/193172
Last Update:
العروسة: 8 شنط كبار كلهن ملابسها الجديدة والقديمه
مايتحملينهن الا 2 سيارات وتشتي لهن 2 دواليب
العريس: 2 أثواب جديد والثوب حق العيد ومعوز
وطارح للداه حقه في دعايات حق كريستال
العروسة: تمشي للكوافيرة ب 50 الف ريال
هذه بس اللي راسها ساع راسي ههههه
أما البقية يشتين 17 واحده يشقين في روسهن
وتدخ لالكوافير 6 الصبح ما تخرج الا 6 مغرب
العريس : يحلق ويفعلوا له صنفره بـ5000 ريال
العروسه: معاها شنط فيها كل انواع عطور الدنيا والروايح اشكال وانواع وماركات .
العريس: معه عطر واحد بس وعاده تركيبة
وبعضهم عاده هديه من نسبه المغترب شله من باب السلام مايجي بعد ساعه الا وقد اقتلب شمه
والحريوه معاها 15نوع من البخور عدني حضرمي جاوي معمول وانواع المباخر يدويات وكهربائيات
وهو حقه البخور من حق الجوامع ومن حق الميتين واذا يشتي يبخر يحرق كراتين في موقد صغير
العروسة: يشتروا لها 20 جزمة ب20لون وصندل تكن تسمعه صوت خطيتها في الصالة
وشبشب للحمام وشبشب للمطبخ وشبشب للغرفه
العريس: مابش معه غير صندل واحد اشتراه في العيد وجزمة أداها له هدية صاحبه قبل ست سنوات لانها صغرت عليه واداها لذيه العريس
العروسة: تلبس فستان قيمته 500 الف وتشتي 10بنات بعدها يبزنه من قفاها ومن تجاهها وعن يمينها وعن شمالها
العريس: عاده يقل لاصحابة دبروا لي ثوب نظيف
العروسة : تلبس ذهب قيمته مليون وشوية
العريس: معه خاتم حديد لقيه تحت طاقه جارهم
واخييييييييييييييرا العروسة :
قبل العرس يمكنوها اكل لحم ودجاج ويدهونوها بخلطات هرد وبيض وطحين عشان تقع حالية وكل يوم حمام بخار من 3ساعات ينقعوها ساع الفاصوليا حق المنظمه وتبيض وتسمن
والعريس مسكين يمكنها تخازين وسمرات
وينتف شنبه من كثر الهم وما يجي يوم العرس الا وقده نحيف ملصص مسود ذااااابل الوجه من كثر ما بيلف من بقعة لبقعة من أجل العرس
بعد شهر بس الحريوة ترجع تسود وتضعف
وترجع لشكلها الحقيقي وترجع ركبها سود
ويرجع البهق وشعرها يتقصف وشنبها يطلع
والعريس يرجع يسمن ويبيض وتتفتح صورته
ويرجع الحق ويزهق الباطل أن الباطل كان زهوقا
من يضيف @ALFkamah
BY نكت مشي حالك 😂💔✌️
Warning: Undefined variable $i in /var/www/tg-me/post.php on line 280
Share with your friend now:
tg-me.com/jnobeaa/193172