tg-me.com/storykaligi/77348
Last Update:
🪴🍂🪴🍂🪴
🍂🪴🍂🪴
🪴🍂🪴
🍂🪴
🪴 196 ..
📚 😍 📃
📖 روايـــــــــــــة ✍🏼
{ يا غيث قلبي و نوره }
📖🖌 @storykaligi 🪴🍂
تسريع الأحداث~~..
الساعة ١٢:٤٤ الظُهر
بندر نزل عند أمه وأبوه بالصالة يسولف معهُم
أبو بندر وقف:يلا يا عريس تجهز وأنا بروح أخلص أمور العشاء وبجيك
بندر إبتسم:إن شاء الله
وطلع هو وتركهُم
ياسمين نزلت من الدرج بحماس وهي تتكلم لحد م وصلت عندهًم:ولاء إتصلت تقول جايه ومعها مفاجأة مدري آيش يس حماس شصاير في الدنيا ولاء! و مفاجأة! وكمان كانت مروقه شوي
بندر ضحك:اخس عبود شمسوي فيها!!
أم ولاء سكتت بإستغراب وفضُول
ياسمين وهي تجلس:أخذ عقل بنتنا
بندر ضحك بطقطقة:وأخوه بياخذ عقل بنتنا الثانيه
ياسمين سكتت بحياء وبعصبية:يا الله منك لازم تتلقف
بندر ضحك:مسكين ترى يتصل من أمس بس م رديت الله يعين إن شاء الله م يقتلني قبل أتزوج
ياسمين أخفت ضِحكتها
أم ولاء:شعندكُم شمسوين في الرجال!
ياسمين:إسأليه مدري أنا
بندر ضحك:خير ي أم ولاء خير
وقام لما سمع صوت الجرس:بروح أفتح شكلها ولاء
ياسمين:أتوقع
راح للباب وفتحه بإبتسامة وسكت بصدمة من شاف البنت الصغيرة اللي يدها بيد ولاء:بسم الله شكلي بديت أتخيل والسبب نُورا !
ولاء وهي كاتمة ضِحكتها
شهد رفعت راسها:ذا بندر الطيب!
ولاء بضِحكة:ايوا خالك بندر
بندر بصدمة:أي خال وأي بنت متأكدة إنك ولاء اللي عطيناها عبدالله قبل أسبوع!! الله حسيبك ي عبدالله شمسوي ببنتنا!!!
ولاء بضِحكة:بقولكُم كُل شيء بس صدق ذِي بنت أختك ولاء وإسمها شهد
بندر إقترب من ولاء بتذكُر بعد م دخلوا وسلم عليها:بتاخذين عقلي قبل أتزوج!
ولاء مشت وشهد بقت تطالع في بندر لثواني وضحكت وهي تمشي وراء ولاء
بندر وقف وعقله م صار يفكر من صدمته مشى وراهُم وهو يبي يعرف السالفة قبل يتهور
أم ولاء وقفت بسرعة من شافت شهد اللي تمشي خلف ولاء ومبتسمة وواضح مروقة ومبسوطة وبيدها اليسار كيس البقّالة واليمين ماسكة عصيرها وكُل هالأشياء كان عبدالله شاريهُم لها قبل يجون
ياسمين بإبتسامة وهي تروح لشهد:ولاء!! مين ذي الحُلوه!!
ولاء بهدوء:شهد
ياسمين بإبتسامة وهي تطالع بشهد:ي...
ولاء:بنتي
ياسمين وقفت مكانها بصدمة:ايش!
أم ولاء بسُخرية:الله يعينها عليك لو إنتي أمي تمنيت إني ما ألاقيك طُول العُمر...
شهد طالعت بأم ولاء وبزعل وضح ع ملامح وجهها:أنا أحب ماما!!!
أم ولاء سكتت لوهلة
بندر وصبره بدأ ينفذ:من وين طلعت هالبنت بهالعُمر!
ولاء:من زوجي الأول وصارت ظُروف وم قدرت أبقى معها وبس هذاني جبتها ولقيتها تكفون لحد يسألني أكثر وإذا مُو مصدقين إسألوا أمكُم
بندر سكت هو وياسمين وكانوا يعرفون ولاء م تكذب ولا يهمها رأي الناس فيها فلو كان شيء ثاني قالت وكمان أمهُم م إعترضت ولا وضحت عليها ذيك الصدمة
بندر طالع بشهد اللي كانت تطالع فيهُم بزعل
ولاء مسكت مرفق يدها وهي تاخذها وتجلس وتجلسها بجنبها
ياسمين وبدت تستوعب:الحين أنا صِرت خالة يُمه ياربي إن شاء الله مُو حِلم ولفت لشهد بإبتسامة وهي حابتها وطالعت في وجهها اللي كانت ملامحها حُلوه جدًا وتلفت رُغم صِغر سنها:شذا حلاوة إنتي!!
شهد إبتسمت وهي تشرب عصيرها
ياسمين جت لعندها وطالعت بولاء:م ودّك تسلمين!
ولاء إبتسمت بخفيف وقامت لها
ياسمين حضنتها بقوة إلا إن ولاء بادلتها الحِضن لأول مره لكن مُش بقوتها
بندر إبتسم وملاحظ التغيُر بضِحكتها وبإبتسامتها وبضمتها وبسلامها اللي م كانوا يشوفون منها قبل
بندر جاء لعند شهد وهو يرفعها بعد م نزل عصيرها اللي بيدها وباسها:والله شذا تطلع عندي بنت أخت
ترد الروح شوفتها وأنا مدري!
شهد ببراءة:ماما قالت بنروح لملكتك وينها!!
بندر ضحك:بنروح بعد المغرب إن شاء الله وأركبك معي افا عليك
شهد بضِحكة وإبتسامة:لا أبي مع عبدالله
بندر وطالع بولاء:يعرف عنها؟
ولاء وهي بجنب ياسمين:أكيد!
بندر زفر براحة:كويس...
وطالع بشهد:أنا خالك ي اللي م تستحين!
شهد:أروح معه وأرجع معك
بندر وهو يقرب من خدودها ويبوسها ويمثل إنه بيعضها:أنا الخيار الثاني أجل!!
شهد وهي تضحك وتحاول تبعد عنه وترجع راسها لوراء لكن كان ماسكها
ولاء ضحكت لما شافت شهد تضحك ومبسوطة
ياسمين إبتسمت وبهمس:كيفك إنتي وعبدالله؟
ولاء ميّلت شفتها وهزت رأسها بيعني
ياسمين:ترى اليوم تنامين عندنا م لِي دخل
ولاء:لا مقدر الليلة أبدًا بعد بُكرا إن شاء الله
ياسمين:نشوف ايوا بعد بُكرا بطلع مع تغريد الصباح بنفطر تعالي معنا علشان مره وحده بجهز لملكتي
ولاء بإبتسامة:إن شاء الله
ياسمين سكتت بإستغراب وم قدرت:ولاء شفيك فيك شيء!
ولاء بإستغراب: م فيني شيء إنتوا اللي شفيكُم تطالعوني بغرابة!
🪴📚 @storykaligi 🪴📚🖋
🍂🪴
🪴🍂🪴
🍂🪴🍃🪴
🪴🍂🪴🍂🪴
BY ❤️📝 روايات وقصص مميزة 📝❤️
Share with your friend now:
tg-me.com/storykaligi/77348